Un lugar

Hoxe quero atopa-lo lugar onde te agochas

gustaríame atoparte entre nubes e globos

alí onde a inocencia quedou perdida

gozar da túa ledicia, esquecer os teus choros

Prometín lembrarte sempre

mais os teus bicos alónxanse entre os beizos do tempo

Aló onde as promesas comezan a cumprirse

non somos mais que xoguetes do vento

Sombras do recordo nos perseguen

segredos e mentiras nos ateigan

eles sempre gañan, eles sempre menten

mais nós non somos nada

unha nota

unha palabra

unnha cor: verde

Verde, sempre verde. Como os teus ollos

cos que me miras, nos que me acollo

Verde como a esperanza que non teño

verde como os campos nos que mirábamo-lo ceo.

Hoxe que non podo

hoxe que o mundo me agota

quero atopa-lo lugar onde te agochas